我係好狗爸閉呀!大家好!玩咗OC好幾年,可貴之處正如兩位大隊長所講:成績一年比一年進步嘅滿足啦;每年玩完之後嘅點滴總會喺之後嘅朋友聚會中經常提起,再三回味;籌募贊助時見到朋友嘅樂善好施,同鼓勵;隊員喺過程中嘅合作,彼此加深了解;就算小如起步前大會為參加者準備嘅熱騰騰嘅愛心雞蛋等等,都係多年來參加OC所得到呀!
今年我係[好狗嘆救人無邊界C隊]嘅隊長,而我哋呢組今年有兩位新朋友加入,佢哋仲係一雙極之匹配嘅恩愛戀人,另外一位隊員係我太太,希望今年憑我哋四個愛嘅力量攞到好成績啦!各方友好,到時賽場見啦!