其實我地每年都係抱著玩票既心情參與，並沒有事前什麼地獄式訓練，只希望出一點心意籌款幫到人，但不經不覺自從2005年參加MSF-OC既活動，每年已經當作是”好狗嘆會舍”其中既一個gathering。 心得就無乜啦，不過如果可以最好就帶對勞工手套，因為山頭 d 野草都幾界手，有對手襪會比較好。

記得05年第一年參加比賽，在等待出發比賽時，其中一位隊員由於吃得太飽，於比賽中途時發生”嘔蕉”事件薄；另外一位隊員因為想快d 取其中一個checkpoint，明明前面係一個曾經被山火燒過既山谷，不理三七廿一直接沖落去取分，返上黎時成身都黑晒，剛巧他叫”成成”，因而得名「狂野之成」既稱號。

06年我地兩隊諗住唔走回頭路，見到啲草叢有被行過嘅跡象，於是就心急走捷徑啦，點知就由山頂既山林慢慢排隊咁'冼'落黎(前面同後面仲有幾隊都係咁行)，仲要早2日前先落完雨，d 沙泥有 d 滑，結果大遲到返終點，負2xx 幾分。所以大家一定要睇地圖，唔好行d 難行既路，同埋記得帶勞工手套添．．．

07年, 今年既目標相當清晰，登登登，就係點都唔可以負分。結果我哋累積過去嘅經驗，真係做到唔使負分，各隊仲有大約100分至300分不等添。

舊年08年真係超棒啊，我地派3隊參加，2隊係時間之內取得500分滿分，其中一隊更有第7名既成績，除咗比賽場地比較易行同啲checkpoin比較易搵，仲因為當中再有「狂野之成」嘅參與囉。

每一年既成績都係有進步，參加OC, 除了個人體能耐力挑戰，亦係團體精神及個人意志的鍛鍊，但願大家既成績一年比一年進步就最好喇！仲有樣就係我哋每年都可以更多嘅朋友仔參加，好讓更多人以認識同參與呢項既健康有趣又有意義嘅活動。