我係好狗爸閉呀!大家好!玩咗OC好幾年,可貴之處正如兩位大隊長所講:成績一年比一年進步嘅滿足啦;每年玩完之後嘅點滴總會喺之後嘅朋友聚會中經常提起,再三回味;籌募贊助時見到朋友嘅樂善好施,同鼓勵;隊員喺過程中嘅合作,彼此加深了解;就算小如起步前大會為參加者準備嘅熱騰騰嘅愛心雞蛋等等,都係多年來參加OC所得到呀!
今年我係[好狗嘆救人無邊界C隊]嘅隊長,而我哋呢組今年有兩位新朋友加入,佢哋仲係一雙極之匹配嘅恩愛戀人,另外一位隊員係我太太,希望今年憑我哋四個愛嘅力量攞到好成績啦!各方友好,到時賽場見啦!

作為"好狗嘆"成員兼2次隊長,都要分享一下個人感受.

記憶所及,其實以"好狗嘆"名義參加應該是06年粉嶺鶴藪那一界,亦係我認為最驚險既一界.

記得那次就如財爺所講既迷路, 其實當時都有諗過走回頭路,不過由起點到上山都用差不多一小時, 發覺如果走回頭路應該是要超時罰分, 所以當時就決定不走回頭路, 順道可以拿多幾個Point. 當時看地圖有條路是下山的,而實際上當時剛巧又看見一條應該由人行出來的路跟地圖上方向吻合,所以直覺上這條路應該無錯,可惜原來是惡夢開始.